Laman

Kamis, 23 Agustus 2012

Hikayat Aneuk Jampok

Nibak Siuroe Nabi Jak Meu en
Ka dengon angen jak keulileng donya.
Sulaiman neuheuy sigala ciceem
Toeh siri kateem lon bouh keu raja.

Seuot Po Jampok Hai Teungku Ampon Nyoepat Sigam long neuboh keuraja
Seubab Sigam long rupa that ceudah
Lagi ngen hebat ngen bulee mata
Mata jih bulat babah meukuweit
Cukop meusaheet Sigam keuraja

Teuma Ji seuout Beurujuk Balee Han kuteem dikee jampouk keu raja
Hana meusoe-soe ka tajak lakee
Golom meuteuntee tajak peutaba

Lheuh nyan Ji seuout Tok-tok beuragoe Hana meusoe-soe taboh keu Raja

Seudangkan dilon Keupiah Beusoe Hantom siuroe lakee keu Raja.
Ciceem Kakirouh Nyangna Di sinan Nabi Sulaiman teukheem lagoyna
Po Jampok yoh nyan kamalee muk
kaleupah haba nariet jipeugah

Teuma Jiseuout Buroung Keutok-tok Meuhanjeut Jampouk bah long keu raja
Seuabab di ulon na meupiyasan
Long peeh geundrang oh malam jula

Laju jiseuout si ciceem Enggang Leupah that garang meunyoe jih Keu Raja
Ampon Tuanku Saidil Ambiya
Galak Long raya gobnyan Keu raja

Saweub digobnyan leuthat piyasan
Geupeeh ngen geundrang oh malam jula
Ngon Ciceem Got-got Geumeu en Geudrang
Leupah that garang karu ngen subra

Teuma jidamee uleh Keudidi Si Rajawali tabouh keu raja
Ciceem dama Peudana Meuntri
Beurujuk Campli Keupala Teuntra

Leuk Bangguna taboh keu meuntri
Keupala negeri nyoe Ciceem Dama
Kleung Puteeh Ulee keupala Peulisi
Si Mirah pati jeut keu wedana

Keu Peuneurangan po ciceem Tiong
Nyang Mat Hukom Po Ciceem Pala
Tok-Tok Beuragoe Keu Geuchiek gampong
Ciceem keucuboung keu ureung Ronda

Cicem bubruk keuma bidan
Seubab gobnyan geukuwa-kuwa
Dum ciceem laen duk keu rakyat

Tuntut Eleumei Akhirat-Donya

Assalamu’alaikum kawom Eseulam
Gampong ngon peukan bandum syedara
Bacut lon teu oh bhah pendidikan
Keu aneuek badan jantong hate ma

Geutanyoe udep di dalam alam
Wajeb hai rakan eleumee beuna
Meutan eleumee di dalam badan
Tanyoe meulanglang udep lam donya

Lagee sijaloh jemeuboh pihtan
Timoh dalam blang hana soe suka
Hana soe sayang kayee lagee nyan
Geukoh ngon parang peugot keu unja

Meuna eleumee di dalam badan
Lagee bak mamplam ureueng le pula
Meunan ibarat wahee e rakan
Hina bak Tuhan hina bak donya

Leubeh deurajat ureueng meuiman
Geukheuen ureueng nyan teungku ulama
Nabi geutamse ibarat bintang
Di langet manyang jebeudoh cahya

Buleuen nyang seupot gulita malam
Jiteubiet bintang peungeueh ngon donya
Meunan hai teungku nabi tamselan
Peunteng hanaban eleumee beuna


Wajeb meununtut inong ngon agam
Bah pih hai taulan u nanggroe Cina
Eleumee agama mita beurijang
Meunan cit rakan  eleumee donya

Carong agama taat sembahyang
Carong pengetahuan tanyoe mulia
Lagee Habibie miseue   teuladan
Geupeugot kapai PT Nusantara

Eleumee agama pih carong hanban
Ta’at keu Tuhan Allah Ta’ala
Bek tiyeup donya hana meuiman
Eleumee alam carong lagoina

Hana jituri agama Tuhan
Hadih fireuman hana jinietna
Ureueng lagee nyan cit musoh Tuhan
Uroe kemudian asoe nuraka

Wahe  adoe lon inong ngon agam
Jak adoe intan  nibak ulama
Tajak meureunoe agama Eseulam
Mangat jeuet tapham akherat donya

Udep geutanyoe di dalam alam
Khalifah Tuhan Azza Wajalla
Tuntut eleumee kareuna Tuhan
Bekna hai rakan kareuna donya

Leupah that seunang taduek bineh blang
Deurui hanaban angen sabena
Mumada ohnoe lon tuleh nadham
Kirem keurakan bandum syeedara

T.A. Sakti
Banda Aceh

"10 Boh Tanda Kiamat"

Siploh yang rayek tanda kiamat
Nabi Muhammad meunan neusabda
Oh troek hak watei katoe kiamat
Neubie alamat siploh boh tanda

Tanda yang keu phon nabi hareutoe
Rata jeut nanggroe kayem that geumpa
Tanda keu dua meunan syit bagoe
Rata jeut nanggroe ji ek ie raya

Tanda yang keulhei wahe dum kawom
Keude dum tutong duson ngen kota
Rata jeut nanggroe ta deungoe tutong
Kota ngen gampong habeh seureuta

Tanda yang keu peut wahe dum adoe
Rata jeut nanggroe meuprang saudara
Kafe ngen kafe hana reuda prang
Ureung iseulam pih sama saja

Tanda keu limeng wahe e rakan
Rata jeut simpang meubanja-banja
Ka teudoeng keude rata jeut simpang
Meukat makanan peu-peu yang hawa

Tanda yang keunam wahe duem sahbat
Di lei gasien that jinoe ka kaya
Jinoe ka kaya hareuta le that
Rumoh meu tingkat jeundela kaca

Tanda keu tujoh hai bungoe siren
Kaya dilei kon jinoe ka papa
Habeh hareuta blang deungoen gampoeng
Tinggai keuh untong udep seungsara

Tanda keu lapan neukheun le nabi
Ureung ek haji ramee lagoina
Rame meulimpah ureung ek haji
Ladoem peng suci ladoem peng riba

Tanda si kureung watei ta pandang
Inong ngen agam hana le beda
Inoeng soek luweu agam panyang ok
Sapue that antok awak nyan dua

Tanda keu siploh nabi riwayat
Rayat meularat dusoen ngen kota
Ureng yang meukat rame leupah that
Ka dicok pajak meu lipat ganda


MEUSIFEUT

Astagrfirullahall’azim min kulli zambil ‘azim min sama’iwwabasharii wakalamiiw wafu’adi.

Ya Tuhanku neupeuampoen dosa uloen cut ngoen raya
Nibak jeut-jeut dosya uloen neupeu ampoen yarabbana
Dosya Kaloen dosya deungeu dosya tuto nyang terlanca
Dosya hate yang meureboet terseurat bek sia-sia

Dosya jaro dosya gaki dosya bibi dosya bibi dosya mata
Dosya rahasia njang tersembunyi bandum neubri ampoen dosya
Dosya dengki dosya dam-dam ureung islam agam ngoen dara
Han pat laen kamo meulake bak dron yang me nukabul pinta
Di donya koen troeh an page beumeu sampe neupeulara
Di donya koen troeh akhirat beuseulamat kamo bak bahaya
Kamo meulake hana adab meulaen kan meu harap poe loen gata

Rabbana zalamna anfuzana wa illam tagrfir lanaa wa targhamna lanakunanna minla khasirin.

Yatuhan Ku bandum kamo mengadu droe poe bak gata
Kamo zalem uroe malam page peutang jeut kutika
Hanso gaseh hana soe sayang han soe peu ampoen meulaenkan gata
Meuhan neugaseh dengoen nesayang jeut ke rugian keukamo hamba
Kamo meulake hana adab meulaenkan meuharap poe loen gata

Laila ha illa anta subghanaka inni kuntu minaz zalimin

Hana laen jang loen seumbah meulaenkan Allah poe loen gata
Maha suci po loen sidroe bandum kamo sisat raya
Neupeu jioeh jalan njang sisat neuperab jalan njang beunar

Rabbana firlana waliwa lidina wali masya ikhina wali jami ’ilmuslimin

Ya Tuhan ku neupeu ampon dosya uloen cut ngoen raya
Dosya maku gure lon sajan dusya ureung islam dum na
Get njang hudep get njang mate ampon yarabbi sibarang dosya
Dosya zina dosya liwazt dosya upat teukabo riya
Get njang zaher get njang baten ampon ya karim keu kamo hamba
Kamo meulake hana adab meulaenkan meuharap poe loen gata

Rabbana amanna fagr firlana zunubana wakafir ’anna saiatina wataf fana ma’al abrar.

Ya tuhannku bandum kamo meupeugah droe po bak gata
Neupeu ampon dosya kamo dile dudo cut ngoen raya
Aib kamo bandum neutop neubri wafeut sajan aulia
Neubri mate kamoe lam ta’at neubri nikmat lam kuburnya

Ya Allah ya Raghman nur’arfan neubri keu hamba

Neubri hate keu loen beu peungeuh supaya deuh jalan jang beunar
Neubi akai keuloen njang zaki mangat loen turi rugoe ngoen laba
Neubi ngoen fam keu loen beu tajam ileume sajan njang seumpurna
Berkat pang ulee saidil ‘alam neubri beutaman dum perkara

Allahumma anzilir rahman ‘ala ummat ‘abdil faqir

Yatuhan ku neupeutroen rahmat ateuh ummat hamba yang fakir
Hudep lam donya neupeutroen rahmat di akhirat syiruga neubri
Neutuloeng loen wate lon sukreut kalimat beujeut wate loen baca
Neupeulara loen dalam kubu ya tuhan ku anzeub bek neubri

Oeh neubangket loen lam jirat neupeusapat deungoen wali
Blang padang mahsyar wate berjalan neubi keundran bek ngoen gaki
Blang padang mahsya uroe that tutoeng neubri payoeng li-waul hamdi

Ya Allah huya ma’bud neubi roeh diyub peu panji Nabi
Bak ule titi teumpat neuhisab bek muzarat dumna kami
Neubri keu kamo hisab njang mudah wahe Allah zat Njang suci
Bak leupah loen jak bak titi tajam bak troh bak kulam khusdi nabi

Ya Allah ya istajib neubi loen jeb ie krueng kausari
Neupeuhah keu loen syiruga lapan wahe Tuhan po kurani
Pinto nuraka bandum neutop berkat Muhammad Pang ule Nabi

Ya Allahu ya wa’dud fa’alu lima yurid yaf’alullahu ma yasyaak wa yah kumu maa yurid

Neutuloeng loen he ya Allah neupeulara loen he ya Allah
Di Donya loen he ya Allah akhirat loen he Ya Allah

Amin aminaa ya rabbal ‘alamina istajib du’a ana kullana ajma’ina 3 x

LAM YAGHTALEM

Lam yaghtalem qatz tzutza ha mutz laqan abada
Wama tsa aba az lang fi madaz zamani
Nabi hantom neu meuleumpoe malam uroe seulama-lama
meuseumeungeup nabi pih tan nibak zameun seupanjang masa.

Ming huddawa bufalam tah rub wa maa waqa’at
Za baa batoen Abadan jismihil ghazani
Binatang kleut han toem jiplung jimeuteumueng ngoen saidinan
Lalat jamoek pih han teom roh nibak tuboeh njang mulia.

Bi khalfihi kaama mingru’k yatun tsabatat
Wala yura ats rubau liming hu fi a’lani
Keu ngoen likoet deuh neukalon hana teusom bak maulana
Meutoeh iek ek beukasantan wajeb taulan tapeu caya

Waqalbuhu lam yanam wal ‘ainu qad na’asat
Wala yura dlilluhu fi samsi zuw fatzani
Hate nabi han toem teungeut njang na teupet dua mata
Meubayang tan dalam uroe hireun lalo ta kalon rupa

Qatfa huqad ‘alata qauman iza jalasuw
‘indalwiladati dzif yaza bi’ufatani
Wate neuduk lam kawan leu manjang baho di maulana
Ngoen wiladah tan meuligan kalheuh khattan yoh masa na

Hazil khadza ie dzu fagh fadzl ha takun amina
Ming syarrina riwwa qiiwwaming mighani
Njang siploeh njoe sifeut nabi wajeb turi tuha muda
So nyang hafai njang siploh nyoe tutoeng karam tuhan peulara

Sabtu, 11 Agustus 2012

HIKAYAT PRANG SABI - Teuku Chik Pante Kulu


Salam alaikom walaikom teungku meutuah
Katrok neulangkah neulangkah neuwo bak kamoe
Amanah nabi...ya nabi hana meu ubah-meu ubah
Syuruga indah...ya Allah pahala prang sabi

Ureueng syahid la syahid bek ta khun mat
Beuthat beutan...ya Allah nyawoung lam badan
Ban sar keunung la keunung senjata kaf la kaf
Keunan datang...ya Allah pemuda seudang

Djimat kipah la kipah saboh bak jaroe
Jipreh judo woe ya Allah dalam prang sabi
Gugur disinan-disinan neuba u dalam-u dalam
Neupuduk sajan ya Allah ateuh kurusi

Ija puteh la puteh geusampoh darah
Ija mirah...ya Allah geusampoh gaki
Rupa geuh puteh la puteh sang sang buleuen trang di awan
Wat tapandang...ya Allah seunang lam hatee

Darah nyang ha-nyi nyang ha-nyi gadôh di badan
Geuganto le tuhan...ya Allah deungan kasturi
Di kamoe Aceh la Aceh darah peujuang-peujuang
Neubi beu mayang...ya Allah Aceh mulia

Subhanallah wahdahu wabi hamdihi
Khalikul badri wa laili adza wa jalla
Ulon peujoe poe sidroe poe syukur keu rabbi ya aini
Keu kamoe neubri beusuci Aceh mulia

Tajak prang meusoh beureuntoh dum sitre nabi
Yang meu ungkhi ke rabbi keu poe yang esa
Soe nyang hantem prang chit malang ceulaka tubuh rugoe roh
Syuruga tan roeh rugoe roh bala neuraka

Soe-soe nyang tem prang cit meunang meutuwah teubuh
Syuruga that roeh nyang leusoeh neubri keugata
Lindong gata sigala nyang muhajidin mursalin
Jeut-jeut mukim ikeulim Aceh mulia

Nyang meubahagia seujahtera syahid dalam prang
Allah peulang dendayang budiadari
Oeh kasiwa-sirawa syahid dalam prang dan seunang
Dji peurap rijang peutamông syuruga tinggi

Budiyadari meuriti di dong dji pandang
Di cut abang jak meucang dalam prang sabi
Oh ka judo teungku syahid dalam prang dan seunang
Dji peurap rijang peutamong syuruga tinggi


Hikayat Prang Sabi adalah sebuah hikayat yang diciptakan atau dikarang oleh Tgk Chik pante kulu yang merupakan sebuah syair kepahlawanan yang membentuk suatu irama dan nada yang sangat heroik yang membangkitkan semangat para pejuang Aceh dari zaman penjajahan portugis sampai zaman penjajahan Belanda hingga zaman TNA berperang dengan TNI.

Seperti saya kutip dari Forum AFC, Hikayat Prang Sabi adalah salah satu inspirator besar dalam menentukan perjuangan rakyat Aceh. Memang sejak dulu bangsa Aceh sangat akrab dengan syair-syair perjuangan Islam, sajak-sajak akan sebuah hakikat keadilan. Hikayat ini selalu diperdengarkan ke setiap telinga anak-anak aceh, laki-laki, perempuan, tua muda, besar kecil dari zaman ke zaman dalam sejarah Aceh sepanjang Abad.

Kalau kita belajar dari sejarah, maka Acehlah negeri yang paling ditakuti oleh Portugis dan sulit untuk ditaklukkan oleh Belanda sejak tahun 1873 serta Jepang. Beribu macam taktik perang yang digunakan oleh para penjajah tetapi tidak dapat menguasai Aceh yang unggul dengan taktik perang gerilyanya. Sejarah mencatat bahwa perang kolonial di Aceh adalah yang paling alot, paling lama, dan paling banyak memakan biaya perang dan korban jiwa penjajah.

Atas perintah Teuku Cik Di Tiro tahun 1881 di gubahlah syair Hikayat Prang Sabi oleh Teuku Chik Pante Kulu. Dan setiap akan berperang maka dibacakanlah syair itu di sawyah-sawyah menasah, di bacakan di desa-desa untuk mengobarkan semangat jihad ke masyarakat.

Dan hasilnya pada pertempuran di Kuto Lengat Biru 14 Juli 1904 wanita dan anak-anak yang syahid tercatat 316 orang. Semangat jihad inilah yang semakin tidak menggetarkan rakyat Aceh untuk terus berjuang.

Pihak Belanda pun kelimpungan untuk mengatasinya, dimulailah dikirim tokoh Belanda Snouck Hurgronje yang disusupkan untuk mempelajari kebudayaan Aceh menemukan jalan pikiran, sikap dan perilaku rakyat Aceh. Tujuh bulan di Peukan, Snouck bergaul amat rapat dengan ulama. Dan dengan diam-diam, hampir setiap malam, dia mencatat semua percakapannya dengan kaum ulama, struktur masyarakat Aceh, dan kedudukan ulama di mata rakyat. Lalu, dengan rapi catatannya itu dia persembahkan pada Gubernur Jenderal di Batavia.

Tak cukup dengan catatan itu, Snouck kemudian membuat buku, De Atjehers, yang memaparkan secara lengkap struktur masyarakat Aceh, kebudayaan, sampai posisi ulama. Segera buku itu menjadi terkenal, bahkan mendapat pujian dari para orientalis sebagai karya yang secara lengkap mengupas kebudayaan Islam di Aceh. Bagi Belanda, karya itu menjadi rujukan untuk menyusun taktik menghadapi perlawanan rakyat Aceh. Dan terbukti, Aceh pun kemudian mulai dapat dikalahkan.

Salah satu bagian paling penting dari Hikayat Prang Sabi adalah pendahuluan atau mukadimah. Bagian yang juga berbentuk syair ini menunjukkan secara jelas tujuan ditulisnya Hikajat Prang Sabi, dalam hubungannya dengan perang melawan Belanda. Setelah diawali dengan puji-pujian kepada Allah pencipta semesta alam, syair-syair pada mukadimah berlanjut pada seruan untuk perang Sabil. Juga disebutkan satu pahala yang dapat diperoleh bagi mereka yang berjihad dalam perang Sabil (jalan Allah-Red). Salah satu pahala yang akan diterima mereka yang mati syahid dalam perang tersebut adalah akan bertemu dengan dara-dara dari surga ( Bidadari ).


HIKAYAT PRANG SABI( Versi ASNLF )

Subhanallah Wahdahu Wabihamdihi
Khalikul Badri Walaili Azza Wa Jalla
Ulon Pujoe Poe Sidroe Poe
Syukor Keu Rabbi Ya Aini
Keu Kamoe Neubri Beu Suci Atjeh Mulia

Tajak Prang Musoh
Beuruntoh Dum Sitree Nabi
Nyang Meu Ungki Keu Rabbi
Keu Poe Nyang Esa

Meusoe Hantem Prang
Chit Malang Ceulaka Tuboh Reugoe Roh
Syuruga Han Roh Reugoe Roh
Balah Neuraka

Seusoe Nyang Tem Prang
Chit Meunang Meutuah Tuboh
Syuruga That Roh Nyang Leusoh
Geubrie Keu Gata

Lindong Gata Sigala
Nyang Mujahidin Mursalin
Jeut-jeut Mukim Ikeulim
Atjeh Merdeka

Nyang Meubahgia Sijahtra
Syahid Dalam Prang
Allah Bri Pulang
Den Dayang Budiadari

Ho Ka Siwa Sirawa
Syahid Dalam Prang That Seunang
Geupeurab Rijang Peutamong Syuruga Tinggi

Budiadari Meuriti Geudong Geupandang
Geu Eu Cut Abang Jak Meuprang
Dalam Prang Sabil
Ho Ka Judo Rakan `e
Syahid Dalam Prang That Seunang
Geupeurab Rijang Peutamong Syuruga Tinggi

Hikayat Prang Sabi dikarang oleh Tgk Chik pante kulu

Hikayat Prang Sabi adalah sebuah hikayat yang diciptakan atau dikarang oleh Tgk Chik pante kulu yang merupakan sebuah syair kepahlawanan yang membentuk suatu irama dan nada yang sangat heroik yang membangkitkan semangat para pejuang Aceh dari zaman penjajahan portugis sampai zaman penjajahan Belanda hingga zaman TNA berperang dengan TNI. Salah satu bagian paling penting dari Hikayat Prang Sabi adalah pendahuluan atau mukadimah. Bagian yang juga berbentuk syair ini menunjukkan secara jelas tujuan ditulisnya Hikajat Prang Sabi, dalam hubungannya dengan perang melawan Belanda. Setelah diawali dengan puji-pujian kepada Allah pencipta semesta alam, syair-syair pada mukadimah berlanjut pada seruan untuk perang Sabil. Juga disebutkan satu pahala yang dapat diperoleh bagi mereka yang berjihad dalam perang Sabil (jalan Allah-Red). Salah satu pahala yang akan diterima mereka yang mati syahid dalam perang tersebut adalah akan bertemu dengan dara-dara dari surga ( Bidadari ).
HIKAYAT PRANG SABI - Teuku Chik Pante Kulu
Salam alaikom walaikom teungku meutuah Katrok neulangkah neulangkah neuwo bak kamoe Amanah nabi...ya nabi hana meu ubah-meu ubah Syuruga indah...ya Allah pahala prang sabi
Ureueng syahid la syahid bek ta khun mat Beuthat beutan...ya Allah nyawoung lam badan Ban sar keunung la keunung senjata kaf la kaf Keunan datang...ya Allah pemuda seudang
Djimat kipah la kipah saboh bak jaroe Jipreh judo woe ya Allah dalam prang sabi Gugur disinan-disinan neuba u dalam-u dalam Neupuduk sajan ya Allah ateuh kurusi
Ija puteh la puteh geusampoh darah Ija mirah...ya Allah geusampoh gaki Rupa geuh puteh la puteh sang sang buleuen trang di awan Wat tapandang...ya Allah seunang lam hatee
Darah nyang ha-nyi nyang ha-nyi gadôh di badan Geuganto le tuhan...ya Allah deungan kasturi Di kamoe Aceh la Aceh darah peujuang-peujuang Neubi beu mayang...ya Allah Aceh mulia
Subhanallah wahdahu wabi hamdihi Khalikul badri wa laili adza wa jalla Ulon peujoe poe sidroe poe syukur keu rabbi ya aini Keu kamoe neubri beusuci Aceh mulia
Tajak prang meusoh beureuntoh dum sitre nabi Yang meu ungkhi ke rabbi keu poe yang esa Soe nyang hantem prang chit malang ceulaka tubuh rugoe roh Syuruga tan roeh rugoe roh bala neuraka
Soe-soe nyang tem prang cit meunang meutuwah teubuh Syuruga that roeh nyang leusoeh neubri keugata Lindong gata sigala nyang muhajidin mursalin Jeut-jeut mukim ikeulim Aceh mulia
Nyang meubahagia seujahtera syahid dalam prang Allah peulang dendayang budiadari Oeh kasiwa-sirawa syahid dalam prang dan seunang Dji peurap rijang peutamông syuruga tinggi
Budiyadari meuriti di dong dji pandang Di cut abang jak meucang dalam prang sabi Oh ka judo teungku syahid dalam prang dan seunang Dji peurap rijang peutamong syuruga tinggi